Shota Baraliu i përshtatet Kastros

Kastro Zizo, i cili së fundmi ka realizuar këngën e tij “Liar” me këngëtaren kosovare Shota Baraliu, gjatë një interviste për mediat shqiptare ka thënë se Shota i është përshtatur shumë këngës dhe idesë që ai kishte për realizimin e kësaj kënge.
“Unë dhe Shota jemi miq të vjetër dhe pas shumë kohësh vendosëm që të bënim këtë material muzikor bashkë. Unë duke e punuar në studio mendova menjëherë Shotën për këtë bashkëpunim për llojin e karakterit e të zërit që ka dhe që do i përshtatej mjaft mirë idesë sime. Dhe ashtu doli, Shota iu përshtat mjaft mirë idesë sime dhe kënga u realizua menjëherë”, ka thënë Kastro.

Këngëtari nga Shqipëria së fundi ka filluar një lidhje dashurie me një vajzë tiranase dhe ka thënë se është duke e shijuar lidhjen me plot pasion, epsh e surrealizëm.

“Deri tani mund të them që është një vajzë, më e bukura në Tiranë. Lidhja ime me të vazhdon plot pasion, epsh e surrealizëm. Jemi të dy tipa që nuk jemi stabël, në kuptimin që mërzitemi shpejt nga një situatë dhe menjëherë krijojmë një tjetër”, ka shtuar Zizo.