Argjentina e lumtur me Valonin

Argjentina Ramosaj, e cila është e fejuar me Valonin, ka pohuar për mediat shqiptare se është shumë e lumtur me lidhjen e saj dhe ka treguar se ai nuk është aspak xheloz.
“Për momentin bashkëjetoj me të fejuarin tim Valonin në Prizren (dhe Prishtinë). Kaloj mjaft mirë dhe jam shumë e lumtur. [Xheloz?] Jo aspak, ai vetëm kënaqet me sukseset e mia dhe ka shumë besim tek unë. Nga i gjithë ky besim i ndërsjellët është krijuar dhe lidhja jonë, e cila është shumë e fortë”, ka thënë Argjentina.

Përveç kësaj këngëtarja ka shtuar se reagimet për këngën “Perfekt” kanë qenë pozitive dhe se në fund të vitit ajo do të lansojë edhe albumin e saj.

“Reagimet kanë qenë shumë pozitive dhe është pritur shumë mirë si kënga dhe videoklipi. Albumi besoj se do të lansohet në fund të vitit. Për realizimin e tij po punoj me Enis Preshevën. Uroj dhe shpresoj që të pëlqehet nga publiku dhe te gjithë dashamirësit e mi”, ka shtuar bukuroshja.