Mbijetoi me gozhdë 10 centimetra në kokë

Një punëtor ndërtimi në Teksas të SHBA-ve mbijetoi mrekullisht
pasi iu ngul aksidentalisht një gozhdë rreth 10 centimetra e gjatë drejt
e në kokë.Pamjet e pabesueshme të rëntgenit u publikuan nga
kirurgët pasi burri i pa identifikuar u paraqit në Qendrën Shëndetësore
në Plano të Teksasit. Vetëm milimetrat e ndanin burrin nga vdekja ose
paraliza totale pasi gozhda i kishte depërtuar në lobin dominues.

Neurokirurgu Dr. Rob Dickerman ishte ngarkuar të mbikëqyrte
operacionin delikat dhe tha se nuk ka pikuar gati asnjë pikë gjak pas
operacionit. “Vetëm një lëvizje e gabuar me milimetra dhe rezultati mund
të ishte fatal”, tha mjeku i cili kreu operacionin. “Ai u zgjua dhe po
ndihet mirë. Pas skanimit që bëmë pas operacionit nuk kemi vërejtur as
edhe një pikë gjaku”.

Sipas Dr. Dickerman kafka e burrit ia shpëtoi jetën pasi shërbeu si
copë druri kur iu ngul gozhda. Kafka e ndaloi gozhdën, sikur kur të
ngulet në një copë druri. Koka e gozhdës, me të goditur kafkën u ndal”,
tha ai.