Zhurmat e çuditshme po tmerrojnë njerëzit në mbarë botën

Tregimi i paradokohshëm nga qyteti Windsor i Kanadasë, ka nxitur një vërshim të ri të videove me zhurmat e pazakonta, burimi i të cilave ende mbetet enigmë.
Xhirimet nga shumë skaje të botës kanë ekzistuar edhe më herët, por janë kuptuar vetëm si prishje qetësie nga individë të papërgjegjshëm, pasi bashkësitë nuk kishin mundësi të fillojnë hetimet e mirëfillta.

Por, nuk ndodhi njëjtë në Windsor, ku banorët kanë kontaktuar shërbimin shtetëror, institutet dhe të gjitha institucionet ndërkombëtare për të mësuar se për çfarë bëhet fjalë. Hetimi zyrtar ka filluar në fillim të gushtit, ndërsa rezultatet e para ende priten.

Derisa të mësojmë se për çfarë bëhet fjalë, ua sjellim disa video tjera.

Në të parën mund të shihni një reportazh nga Windsori, ndërsa dy videot tjera paraqesin zhurmat e pazakonta të regjistruar në Florida të SHBA-ve dhe Kiev të Ukrainës.

Në rastin e Floridas tingujt janë sqaruar si zëra të aeroplanit, ndërsa më pas edhe si një bubullimë e largët (e cila vazhdoi pandërprerë për 20 minuta).

Për rastin e Kievit i regjistruar nga mesi i gushtit deri më tash nuk është dhënë ndonjë sqarim zyrtar, ndërsa njëjtë ka ndodhur edhe me zhurmat e dëgjuara në New Jersey, Gjeorgji dhe Bjellorusi.

Disa nga hipotezat janë se këto janë pasojat e teknologjisë HAARP, të cilës ia atribuojnë të gjitha “meritat” kohët e fundit prej tërmeteve, tornadove, e deri tek zhurmat e pazakonta dhe ngrohjen globale. Një sqarim tjetër është se këto janë aktivitete të jashtëtokësorëve pasi në disa raste janë vërejtur edhe UFO në qiell. Ka edhe prej atyre që besojnë se e tërë kjo është pasojë e ndryshimit të fushës magnetike të tokës. Se a po përgatiten jashtëtokësorët për sulm, ose ky është thjeshtë një fenomen natyror ose për të gjitha janë fajtorë vetë njerëzit me teknologjinë e tyre, përpiquni ta mësoni nga videot e postuara.