Shitja e iPhone 5, prej 14 tetorit?

Tashmë kur është zyrtarizuar dita e mbajtjes së ngjarjes për iPhone 5, e cila mbahet më 4 tetor ne kampusin e Apple, thuhet se edhe dita kur ky telefon i shumë pritur do të paraqitet në treg, nuk do të jetë e largët.
Sipas një raporti të publikuar së fundmi, thuhet se Apple do të fillojë ta shesë modelin e saj të ri të telefonit, iPhone 5, që nga data 14 tetor, ndërsa shtetet ku pritet që kjo pajisje të paraqitet janë: Franca, SHBA, Mbretëria e Bashkuar, Gjermania dhe Japonia.

Duke e marrë parasysh pritjen e madhe nga tregu, por edhe vendimin e Apple për ta shtyrë pushimet vjetore të punëtorëve të saj, mund të pritet që iPhone 5 të jetë në duart tona pikërisht në kohën për të cilën po flasim.

Në rast se iPhone 5 do të zyrtarizohet më 4 tetor, nuk do të shojë shumë gjatë derisa Apple të fillojë të pranojë para-porosi për telefonin e saj të famshëm.