Shtyhet paraqitja e Nexus Prime

nga **D3M1** Sat Oct 08, 2011 8:26 pm

Google dhe Samsung kanë shtyrë paraqitjen e konkurrentit për
kreun e ofertës së pajisjeve me Android, Nexus Prime (Galaxy Nexus), si
dhe të sistemit operativ Android 4.0 (Ice Cream Sandwich). Paraqitja
ishte paraparë të mbahet me 1 tetor në panairin CTIA në San Diego, kur
kompanitë pritej të bëjnë publike detajet e pasuesit të Nexus S dhe
sistemit të ri operativ mobil.

Sipas deklaratës zyrtare, paraqitja është shtyrë nga respekti për
Steve Jobsin – Google dhe Samsung mendojnë se nuk është koha e duhur për
paraqitjen e pajisjes së re. Data e re për mbajtjen e evenimentit të
shtyrë ende nuk është caktuar.

Sipas informatave jozyrtare, specifikat e Nexus Prime do të duhej të
përfshijnë procesorin me takt prej 1.2 GHz, 1 GB memorie, 32 GB hapësirë
për të dhënat, përkrahjen për incizimin e videos 1080p, ekranin me
diagonale prej 4.65 inç dhe kamerën e pasme prej 5-megapiksel.