Genta Ismajli përjashtohet nga festivali i RTSH

Genta Ismajli ishte lajmëruar se ka qenë duke u bërë gati për pjesëmarrjen e saj në Festivalin e Këngës në Radiotelevizionin Shqiptar, por menaxheri i Gentës ka pohuar të kundërtën.
John Goci, menaxher i këngëtares, ka thënë për Standard se Genta as kësaj radhe nuk do të mund të jetë pjesë e këtij festivali, pavarësisht dëshirës së saj.
Sipas tij, kompozitori që kishte shkruar këngën me të cilën Genta Ismajli do të paraqitej në këtë kompeticion, nuk ishte shqiptar, gjë që e ka penalizuar këngëtaren kosovare, e cila prej kohësh bashkëpunon edhe me të huaj, me qëllim që të prekë tregun internacional të muzikës.
Sipas rregullores, në mënyrë që ajo të marrë pjesë në Festivalin e Këngës në RTSH – që këtë vit thuhet se drejtohet nga Adi Krasta dhe këngëtarja e njohur Eda Zari – kompozitori i këngës duhet të jetë medoemos shqiptar.