Google Reader ndryshon pamjen, integrohet me Google+

Google ka lëshuar versionin e ri të shërbimit të saj Google
Reader, i cili tashmë duket krejtësisht ndryshe, dhe ofron një integrim
më të thellë me Google+.Në dizajnin e ri të Google Reader
vërehen ndryshime radikale në ndërfaqen e shërbimit, i cili i ngjan
shumë shërbimeve tjera si Google Calendar dhe Gmail, i cili ishte
lansuar më herët.

Njëri prej ndryshimeve më të mëdha në Google+ është shtesa e rrjetit
social, Google+, eliminimi i butonit Like dhe shtesa e opsionit +1, si
dhe opsionet tjera të cilat u mundësojnë përdoruesve të zgjedhin rrethin
e miqve me të cilët ata mund t’i shkëmbejnë përmbajtjet e preferuara.

Njëri prej inxhinierëve të Google, ka thënë se prej sot Google+ do të
shndërrohet në një platformë të re, e cila do të jetë shumë më
miqësore, dhe do të posedojnë funksione të reja të cilat do të
integrohen me Google+.