Teknologjia drejt futbollit...

nga **D3M1** Wed Nov 30, 2011 11:22 am

Sipas burimeve më të fundit të shpalosura para portalit T3.com del se teknologjia për shfrytëzim në vendimmarrje për golat e dyshimta në futboll, që ndërlidhen me kalimin e vijës së portës apo jo, ka gjasa që të debutojnë qysh në sezonën 2012-2013 në Premier League.

Liga Premier e Anglisë ka gjasa që të përjetojë paraqitjen e teknologjisë së shumëkërkuar të linjës së portës shumë më herët sesa që është pritur, dhe vet Sekretari i Përgjithshëm i FA, Alex Home sugjeron se sistemi mund të jetë gati për shfrytëzim qysh në fillim të sezonës së ardhshme.

Me teknologjinë “goal-line” pritet që të mundësohet vendosja e një sistemi të ri në futboll që do të mundësojë një paraqitje më korrekte dhe një vendimmarrje më korrekte. “Ka gjasa që të shohim teknologjinë goal-line në Premier League në sezonës 2012-2013. Është lehtë të bëhen gabime dhe kemi parë shumë shembuj ku gjyqtari dhe asistenti i tij nuk kanë parë kur nëse topi ka kaluar apo jo vijnë. Ne duhet t’i përkrahim ata në vendimmarrje” u shpreh Alex Home, për BBC.

“Shqetësimi im më i madh është i lidhur me faktin se nuk dëshirojmë të stopojmë lojën për të shikuar nëse është apo nuk është gol, por teknologjia goal-line mendoj se do të arrijë ta bëjë këtë” tha mesfushori i Arsenalit Theo Walcott në një intervistë ekskluzive për T3. “Këto vendime po ndodhin shumë shpesh”.

“Nuk po e kuptoj pse ende po presim shfrytëzimin e kësaj teknologjia” tha për T3, Chris Ashton, lojtarë në kombëtaren e Anglisë dhe në ekipin Northampton. “Nuk mund të prek lojën nëse referi ka ndihmë. Kjo ka funksionuar në ragbi e nuk shoh arsye pse nuk mund të funksionojë edhe në futboll”.