Obama shpall të përfunduar luftën në Irak

Presidenti i amerikan, Barack Obama, duke folur përpara
njësiteve ushtarake të kthyera nga Iraku, në një bazën ushtarake në
Karolinën Veriore, theksoi se konflikti nëntëvjeçar ka përfunduar “jo me
betejën vendimtare, por me kthimin përfundimtar në shtëpi”.Duke
përshëndetur disa mijëra ushtarë të kthyer nga Iraku, Obama tha se ai
konflikt së shpejti do t’i takojë historisë. Ai theksoi edhe anën
humanitare të luftës në Irak dhe lavdëroi vetëmohimin dhe trimërinë e
ushtarëve amerikanë në konfliktin që pati mjaft kthesa.

“Prej fillimit e kemi ditur se do të vijë kjo ditë. Ishim më të fortë
se terrori i atyre që janë përpjekur të na thyejnë”, tha Obama, i cili
veçmas theksoi rëndësinë e rrëzimit nga pushteti të Sadam Husedinit.

Ndërkohë që autokolonat ushtarake kalojnë kufirin nga Iraku për në
Kuvajt dhe flamuri amerikan ulet nëpër bazat në mbarë vendin, një anketë
e fundit e kanalit televiziv CBS tregon se 77 për qind e amerikanëve të
anketuar mbështesin vendimin për tërheqjen e trupave amerikane deri në
fund të vitit.