Aty ku është Loriku, janë edhe gocat

Futbollisti i kombëtares shqiptare, Lorik Cana sa herë që vjen në Kosovë përcillet me vëmendje të madhe nga mediet.

Ai aktualisht gjendet në vendlindje, ku është duke i kaluar pushimet e stinorit dimëror. Futbollisti i Lazios gjatë qëndrimit në Kosovë është emëruar ambasador special i sportit kosovar në arenën ndërkombëtare nga ana e Komitetit Olimpik të Kosovës.

Natyrisht, Loriku ka gjetur kohë që edhe të argëtohet me jetën e natës dhe shoqërinë e madhe që ka në Kosovë, raporton Editorial.

Mirëpo, sa herë që ai del në ndonjë pub apo restorant, gjithnjë shfaqet i shoqëruar edhe me femra të ndryshme. Kështu Cana është parë edhe gjatë natës së Krishtlindjes në një nga pubet më të njohura në Prishtinë, ku Loriku është fotografuar me vajza të ndryshme të Prishtinës.