Bleona këndon për miliarderin amerikan

Viti i ri nuk ka qënë vetëm festë për Bleonën, e cila në këtë natë ka kënduar në festën e miliarderit amerikan Preston Haskell, e cila është mbajtur në Cape Town të Afrikës së Jugut.

Kjo festë është aq eskluzive saqë emrat e personaliteteve (kryesisht miliarderë,politikanë dhe artistët më të njohur në botë) nuk bëhen të ditura për publikun dhe siguria jo vetëm është e lartë në maksimum por është e “importuar” prej Francës.

Përveç Bleonës në festime kanë qënë të ftuar dhe Dj Big Ali dhe Big Bass nga Franca, e Dj Andreas nga Greqia, ndërkohë që vjet e ftuar e kësaj feste ka qënë këngëtarja Cheryl Cole (bashkëshortja e mbrojtësit anglez të Chelsea, Ashley Cole).

Mesaduket, pas shfaqjeve të shpeshta në tapetin e kuq të disa evenimenteve të njohura në Holliwood, Bleona po bëhet gati për debutimin e saj muzikor në skenën ndërkombëtare.

Preston Haskell është pronari i kompanisë më të madhe të ndërtimit në Florida dhe aktiviteti i tij shtrihet brënda dhe jashtë Shteteve të Bashkuara.