Powow sjell Unikatilin në Prishtinë?

Kompania Powow ka zbuluar në faqen zyrtare në Facebook se është duke bërë negociata që brenda këtij viti të sjellë në një koncert në Prishtinë reperin Unikatil.
Kompania e cila solli në Prishtinë yllin botëror të muzikës, “The Game”, synon të sjellë këtu edhe një tjetër artist të popullarizuar nga SHBA-ja. Por, këtë herë reperin shqiptarin Viktor Paloka, i njohur si Unikkatil.

Powow ka njoftuar fansat se i kanë bërë ofertë zyrtare e serioze Unikkatilit dhe se drejtuesit e kompanisë tash presin një përgjigje pozitive nga ai. Nëse arrihet marrëveshje koncerti pritet të mbahej gjatë këtij viti në Stadiumin e Prishtinës.

Ishte thënë edhe në vitin 2011 do të mbahet koncert nga Unikatili, por një gjë e tillë nuk u realizuar.