Vesa shpërngulet në Tiranë

Projektet artistike e kanë detyruar këngëtaren Vesa Luma të zhvendoset në Tiranë, për herë të dytë Brenda një viti.
Pas pjesëmarrjes në “Dancing with the Stars” kësaj here arsyeja ka qenë edicioni i parë i “X Factor”, i cili nis të dielën në televizionin Klan.

Këngëtarja do të jetë pjesë e jurisë së “X Factor”, prandaj edhe ka bërë gati valixhet për t’u zhvendosur përkohësisht në një apartament i cili i është siguruar nga organizatorët e spektaklit në Tiranë.

Ndërkaq do t’u duhet shpesh të kthehet në Kosovë për të vijuar projektet e saj koncertale, të cilat tashmë kalojnë në plan të dytë.

“Miremengjes:) Rruges per ne Tiraneee,me pret nje jave e gjate..X Factor prova,E DIELA SHQIPTARE,si dheee klipi me i ri qe do te xhirohet ne Tirane te merkuren ..:)) Baterite jan FULL ndersa une ju dua shume”, ka shkruar Vesa mëngjesin e sotëm.

Këngëtarja kosovare kishte paralajmëruar nisjen që dje, po në Facebook. “Duke bere gati valigjet te shperngulem gradualisht ne Tirane deri ne qershor ..:) X FACOTR eshte gati...Prishtina im gonna miss you again..:(”, pati shkruar Vesa mbrëmë.