Ronela dhe Visari sërish bashkë

Ronela Hajati nuk ka mundur të qëndrojë larg Visarit të Grupit Skillz dhe dyshja, të cilët u përfol se mund të kenë një lidhje të fshehtë dashurie mes tyre, janë bashkuar sërish.
Këngëtarja nga Shqipëria së fundi ka udhëtuar drejt Prishtinës për të qenë pjesë e xhirimeve televizive pikërisht me këngën e fundit, “Nelës”, në duet me Visarin.

Duke respektuar kodin e veshjes në një program në Kosovë, që të dy u shfaqën të veshur në kombinim ngjyrash kuq e bardhë, duke bërë një performancë të jashtëzakonshme e duke lënë gojëhapur të gjithë kolegët e pranishëm në atë emision.

Fjalët për lidhjen e tyre dolën pas performancës në “Kënga Magjike”, kur Ronela gjatë kërcimit reagoi me gjeste intimiteti ndaj Visarit, por më vonë kjo lidhje u përgënjeshtrua nga të dy këngëtarët, duke thënë se ata janë vetëm miq dhe asgjë më shumë.

Ndryshe nga Visari, i cili është shumë i njohur, Ronela tani sapo ka filluar të njihet në Kosovë, pasi është e vetmja këngëtare nga muzika shqiptare që deri më tani nuk ka realizuar asnjë videoklip, por është bërë shumë e njohur falë fizikut dhe vokalit të saj.