DMX shtyn turneun, edhe koncertin në Prishtinë !

Reperi amerikan, DMX, nëpërmjet menaxhmentit të tij ka bërë të ditur se e ka shtyrë turneun europian, që do të thotë se edhe koncerti i shumëpritur i tij në Prishtinë për datën 23 janar është shtyrë për një datë të pa caktuar.
Telegrafi ka kontaktuar menaxhmentin e DMX, të cilët kanë konfirmuar shtyrjen e turneut nga reperi, por është premtuar se së shpejti do të publikohen datat e reja.

“DMX ndihet thellësisht i zhgënjyer që duhet të shtyjë turneun e tij europian, me ç’rast janë shtyrë dhe shumë koncerte të mëdha të paralajmëruara dhe të rezervuara jo vetëm në Prishtinë por në tërë Europën. Shpresojmë që do të hasim në mirëkuptim”.

“Shumë shpejt do të publikohen datat e reja. DMX është i zhgënjyer që duhet të shtyjë koncertet, por mezi pret që të performojë posa të jenë vendosur datat e reja”, theksoi një prej pjestarëve të menaxhmentit të DMX për Telegrafin.

Me mijëra fansa të repit në Kosovë e kishin pritur koncertin e paraparë të mbahet më 23 janar, por tani duket se gjithçka është shtyrë nga DMX për një periudhë të pa caktuar, kur ndoshta në ndërkohë pritet të performojnë dhe shumë artistë të tjerë të mëdhenj të huaj në muajt në vijim.