Adele mposht Michael Jackson

nga **● E.D.W-M ●** Fri May 04, 2012 10:56 pm

Albumi i dytë i Adele, “21” ka mposhtur albumin e Michael Jackson, “Thriller” duke u renditur në vendin e pestë të albumeve më të shitura në histori të muzikës mbritanike.
23 vjeçarja arriti shifrën e 4,274,300 albumeve të shitura, që është 500 më shumë se sa albumi i gjashtë i Michael Jackson.

Adele ka ende punë për t’u bërë artistja më e shitur, pasi përpara saj në vendin e katërt gjendet Oasis me “What’s the Story Morning Glory?”, Abba në vendin e tretë me “Gold”, The Beatles në vendin e dytë me “Sgt Pepper’s Loney Hearts Club Band”, kurse në vendin e parë të pa diskutueshëm për albumet më të shitura në histori të muzikës britanike është grupi Queen me “Greatest Hits” që ka 5.83 milionë kopje të shitura.

Sidoqoftë, Adele po shet nga 20 mijë kopje në ditë në Britani dhe gjithçka është e mundur, ajo mund të gjendet shpejt në vendin e parë.

Këngëtarja ende ka punë për të bërë për të mposhtur mbretin e pop muzikës në nivel botëror, pasi albumi “Thriller” ka arritur të shitet në hiç më pak se 100 milionë kopje.