Dhunojnë vajzat 12-vjeçe, për të shëruar sidën

Banorët e një zone rurale të territorin e Eastern Cape në
Afrikën e Jugut praktikojnë një traditë të pazakontë, e cila shkatërron
jetën e fëmijëve. Burrat e moshuar nga fisi Ksosa rrëmbejnë vajzat e
reja, madje edhe ato që kanë vetëm 12 vjeç, i dhunojnë dhe martohen me
ato duke besuar se seksi me vajzat e reja ua shëron sidën, raporton CNN.Kjo
traditë, të cilën e quajnë "ukutvala", që do të thotë "të marrësh",
është aplikuar për dekada të tëra. Autorët e krimeve nuk janë të
vetëdijshëm se shkelin ligjin, ndërkohë që shumë vajza merren me
pëlqimin e prindërve. Gjithë këtë situatë e komplikon bindja e cila ka
lindur kohët e fundit e seksi me virgjëreshat mund ta kurojë sidën
(AIDS).

Në filmin dokumentar “Ukutvala – virgjëria e vjedhur," një vajzë nga
fshati Lusikisiki tregon se si u bë viktimë e traditës mizore.

“Një fqinje erdhi dhe më pyeti nëse dëshiroja të martohem, kurse unë i
thashë, nuk dua. Ajo mu përgjigj se në qoftë se unë refuzoj, disa
njerëz do të vijnë dhe do të më marrin me dhunë dhe do të më rrahin.
Mëngjesin e nesërmen erdhi dhe më dërgoi pranë lumit, ku na prisnin
shtatë persona. Pastaj, njëri nga ata më dërgoi në shtëpinë e tij dhe më
përdhunoi, duke më thënë se tashmë jemi të martuar”, ajo ishte një
vajzë.

Organizata WAC (Fushata Botërore kundër AIDS) është duke u përpjekur
për të ndihmuar vajzat e tilla, të cilët për shkak të martesave të
dhunshme braktisin shkollën, kurse shumë prej marrin virusin HIV nga
“partneri bashkëshortor”.



Për ato vajza që marrin guximin të ikin nga “martesat” e dhunshme,
është hapur Shtëpia e Sigurt pranë Kishës Metodiste në Lusikisiki. Atje,
punëtoret sociale u ndihmojnë atyre për të luftuar kundër traumave dhe
më vonë të adaptohen në shoqëri.

Aktivistja e WAC, Nombasa Gksu thotë se familjet shpesh nuk i pranojnë vajzat e tyre kur ato kthehen.

“Ato refuzohen nga shoqëria, sepse i konsiderojnë si vajza rebele dhe
kokëforta, të cilat nuk i respektojnë prindërit dhe rregullat e tyre,
as rregullat shoqërisë”, thotë Gksu.