“Përzgjidhet” Bin Ladeni i ri

Emri i aktorit që do të portretizojë rolin
e Osama bin Laden në një film që do të tregojë se si ai u vendos në
shënjestër dhe u eliminua nga CIA u bë publik ditën e premte.


Është aktori britanik Ricky Sekhon, i përzgjedhuri i regjizores fitues të çmimeve “Oscar”, Kathryn Bigelow.

Cilësia më e mirë e Sekhon, duket se është vetë pamja e tij fizike, me
një portret të ngjashëm me atë të themeluesit dhe udhëheqësit historik
të organizatës terroriste të Al-Kaedës.

Filmi në fjalë
përfshin në grupin e tij edhe disa aktorë të tjerë të mirënjohur, si
Jessica Chastain, Joel Edgerton, Mark Strong dhe Jason Clarke, të cilët
do të luajnë rolin e agjentëve specialë, që realizuan operacionin e
eliminimit të Bin Laden, në vendbanimin e tij të fshehtë, në Abodabat,
Pakistan.



Disa pjesë të filmit janë xhiruar tashmë dhe sipas “Daily Mail”, pas
tre javësh pune intensive, janë filmuar të gjitha pjesët e Bin Ladenit
dhe Sekhon është rikthyer të merret me punë të tjera.

Filmi
në fjalë, i cili do të dalë në kinema më vonë gjatë vitit, është xhiruar
pjeserisht në Jordani dhe pjesërisht në Britaninë e Madhe.