Vajza kukull pas operacioneve ekstreme

Modelja nga Ukraina Valeria Lukyanova tregon karakteristikat e saj si kukull në shërbimin e saj të parë fotografitk artistik.
21 vjeçarja e ka transformuar trupin e saj si kukulla Barbi, përmes operacioneve ekstreme estetike dhe make up, shkruan noa.
Valeria emri i vërtetë i së cilës është Amatue duket tamam si manekinë, pasi ka sy të mëdha, hundë të vogël, mjekër të vogël dhe bel të këputur, ndërsa nuk kanë munguar reagimet për pamjen e saj.

Ajo thotë se punon që në mëngjes me fytyrën e saj, përmes masazheve dhe kremrave të ndryshme ndërsa qëndron me orë të tëra në internet për të mësuar si të ushtrohet në palestër, për të ndryshuar dhe përmirësuar pamjen.
Ajo shton se del shëtitje me miket e saj, kthehet në shtëpi dhe gatuan për njeriun që do.
Valeria është kritikuar mbi imazhin e diskutueshëm të trupit të saj si dhe për ndikimin që mund të ketë te vajzat e tjera në Ukrainë, duke ndikuar në mënyrën e tyre të jetës.

“Unë jam e lumtur edhe pse kam bërë shumë punë për të arritur këtu. Nëse njerëzve u dukem si jo reale, kjo do të thotë që kam bërë një punë të mirë. Është më se normale që çdo femër të dojë të duket si kukull”, shprehet Valeria