Ban Ki-moon rizgjidhet sekretar i përgjithshëm i OKB-së

nga **D3M1** Wed Jun 22, 2011 3:44 pm

Shefi i OKB-së, Ban Ki-moon mbetet në krye të Kombeve të Bashkuara. 192 anëtarët e Asamblesë së Përgjithshme të OKB-së e zgjodhën kryediplomatin koreano-jugor sërish njëzëri në postin e sekretarit të përgjithshëm.

Kandidat kundërshtar nuk pati. Menjëherë pas votimit sekretari i përgjithshëm i OKB-së bëri betimin, njofton Deutsche Welle.

Në fjalën e tij pas rizgjedhjes, 67 vjeçari theksoi sukseset dhe arritjet e organizatës botërore.

“Detyra të tjera na presin”, tha ai, duke shtuar se OKB-ja duhet të tregojë rezultate, të dukshme dhe të prekshme për njerëzit. Periudha e dytë legjislative e sekretarit të OKB-së, nisë më 1 janar 2012 dhe vazhdon deri në fund të 2016-së.