Genta: Ua hodha të ftuarve në festë

Genta Ismaili ka promovuar albumin e saj më të ri, të pestin me radhë, të titulluar “Guximi”. Albumi përmban 16 këngë, shtatë nga të cilat janë në gjuhën angleze, të cilat këngëtarja i ka përgatitur në Shtetet e Bashkuara të Amerikës. Genta ndihet e kënaqur me realizimin e albumit të ri, të cilin e ka cilësuar si “të parin mjaft profesional dhe të veçantë”, transmeton “Standard”.

“Për herë të parë kam realizuar një album mjaft profesional dhe të veçantë. Përveç këngëve në shqip, kam realizuar edhe 7 këngë në gjuhën angleze, të cilat i kam përgatitur me krijues profesionistë të këngës në Amerikë”, ka thënë Genta.

Videoklipi i saj i fundit ishte “Guximi”, në bashkëpunim me Dj Da Lool, por pak e dinë që ky klip është xhiruar “live”, pas kurrfarë provash e përgatitjesh. “Kam organizuar një festë, ku i kam filmuar të pranishmit pa dijeninë e tyre. Ka pasur shumë skena interesante me pjesëmarrësit që ishin në party”, ka thënë Genta, duke uruar që ky klip, i realizuar “live” të vazhdojë të ketë sukses edhe më tej.