Gjyste Vulaj: Ma kalon vetëm Afërdita...

Të gjithë do bëhen kureshtarë se në ç’drejtim ia kalon Afërdita Dreshaj këngëtares Gjyste Vulaj, sepse në muzikë jo e jo, kjo është e sigurt, të paktën edhe duke hedhur një vështrim të përciptë në koncertet e këngëtares ekstravagante (që janë përherë plot)!

Në këtë rast, pra, bëhet fjalë vetëm për gjatësinë e trupit. Po, po, për gjatësinë! Dihet që si një modele me përmasa shumë afër ideales, Afërdita - e fejuara e Shpat Kasapit - është një prej femrave që shquhet jo vetëm për bukurinë, por edhe për shtatlartësinë, rreth 1.82 cm, shkruan gazeta Standard.

Ndërkohë, Gjystja nuk ka dashur të tregojë gjatësinë në cm, por ka thënë vetëm se në skenën muzikore ia kalon Afërdita. “I kam ngjarë nënës dhe dajës, po ashtu edhe xhaxhait”, ka pohuar “mamaja seksi”, kur është pyetur nëse gjatësia e saj është biologjike. Në fakt, Gjystja nuk shquhet aq shumë për gjatësinë sa për format e bollshme trupore, sidomos për gjoksin, për të cilin së fundi është thënë se e ka rregulluar përmes kirurgjisë plastike.