Dorëhiqet kryetari i parlamentit rus

nga **D3M1** Thu Dec 15, 2011 12:06 am

Kryetari i parlamentit rus, Boris Gryzlov, tha të mërkurën se ai
nuk do ta marrë ulësen e tij në shtëpinë e ulët të parlamentit, të dalë
nga zgjedhjet e 4 dhjetorit.Si kryetar i parlamentit që nga
viti 2003 dhe kryetar i Këshillit të lartë të partisë së kryeministrit
aktual, Vladimir Putin, ‘Rusia e Bashkuar’, Gryzlov konsiderohet një
simbol i fuqishëm në sistemin politik, të dominuar nga Putini dhe partia
e tij për më shumë se një dekadë.

Vendimi i tij mendohet të jetë marrë për të qetësuar zemërimin
publik, për shkak të zgjedhjeve të fundit, raporton REL. Ndërkohë
Putini, që ishte president nga viti 2000 deri në vitin 2008, është në
kërkim të një mandati të ri gjashtë vjeçar në Kremlin dhe pritet të
garojë në zgjedhjet e marsit. Ai është kryetar i partisë Rusia e
Bashkuar, po jo edhe anëtar.