FBI mbyll faqet e pokerit on-line

Tre adresat më të mëdha të lojrave të pokerit “Full Tilt Poker”, “Pokerstars” dhe “Absolute Poker”, janë mbyllur nga policia federale amerikane, pasi ato bien në kundërshtim me ligjin.
Lajmi është konfirmuar nga mediat vendase sipas të cilave, FBI-ja ka arrestuar të paktën tre vetë, ndërsa ka lëshuar edhe 11 fletarreste për menaxherët e këtyre faqeve në internet.

Një nga prokurorët e kësaj çështje, Preet Bhaara, tha se ndalimet po kryen pasi drejtuesit e këtyre faqeve kanë shkelur një ligj që ndalon bixhozin në internet, që është miratuar në vitin 2006. Sipas tij, falë këtij biznesi on-line, personat në kërkim kanë arritur të fitojnë 3 miliardë $.