Katedralja prej letre

Arkitekti japonez, Shigeru Ban, mori përsipër ndërtimin e katedrales së re në qytetin Chrischurch të Zelandës së Re, që u shkatërruar nga tërmeti në fillim të këtij viti. Ai do ta ndërtojë katedralen prej kartonit.
Katedralja e ndërtuar më 1864 është dëmtuar rëndë gjatë tërmetit që e preku këtë qytet më 22 shkurt, duke ia dëmtuar komplet kullën e kambanës. Tërmeti i dytë në qershor i shkaktoi edhe më shumë dëme.

Zyrtarët e qytetit duhet të vendosin për ndërtimin e kishës, ndërsa angazhuan edhe Banin për ta punuar strukturën, e cila do të jetë e gatshme për shënimin e përvjetorit të tërmetit.

Kjo strukturë do të qëndrojë derisa katedralja anglikane të mos rindërtohet dhe të kthehet në gjendjen e mëparshme.

Ban u bë i njohur për përdorimin e kartonit i cili mund të riciklohet dhe është shumë i fortë për ndërtimin e ndërtesave të mëdha.