Shtyhet martesa e Princit Leka

Princi Leka II raportohet se ka shtyrë përkohësisht planet për martesë, për shkak të vdekjes së babait të tij.
Ceremonia e martesës së princit, i cili tash është trashëgimtari i vetëm për fronin mbretëror shqiptar, me të fejuarën e tij Elia Zaharia ishte planifikuar për në fund të vitit 2012.

I ndjeri Princi Leka I, e kishte bërë në plan dasmën e djalit të tij në 100-vjetorin e Pavarësisë, më 28 nëntor të vitit që vjen, kur kishte në plan edhe ribashkimin e eshtrave të familjes në një varrezë të përbashkët.

Por burime të afërta me familjen mbretërore kanë zbuluar për mediat shqiptare se ata tashmë e kanë shtyrë dasmën për edhe një vit tjetër.